منتديات الأمير والنسر
منتديات الأمير والنسر
منتديات الأمير والنسر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى كنيسة مارجرجس والانبا باخوميوس بالاسكندرية
 
الرئيسيةأحدث الصورالتسجيلدخول

 

 قصيدة (ست البنات) لبشرى عجبان

اذهب الى الأسفل 
3 مشترك
كاتب الموضوعرسالة
George Zeefa
مدير عام
George Zeefa


عدد الرسائل : 114
العمر : 34
اسم شفيعك ايه؟ : St. George and Angel Michael
نقاط : 18
تاريخ التسجيل : 30/10/2008

قصيدة (ست البنات) لبشرى عجبان Empty
مُساهمةموضوع: قصيدة (ست البنات) لبشرى عجبان   قصيدة (ست البنات) لبشرى عجبان I_icon_minitimeالجمعة ديسمبر 12, 2008 6:00 pm


أمه كانت ولا بنته ؟
كان بيطعها وهي أمته ؟
كان بيأمر ولا يطلب ؟
ولا بنظرة تفهم طبيعته ؟

يا أمه وأمنا
حيّرتي عقلنا
كان ربك والضنى
طب كنتِ تصلي لمين ؟

كنتِ بتصلي له ؟
ولا بتصلي له ؟؟
وعنه تحكي له !
كان حمل ولا معين !!

كنت عارفة اللّي في ضميره
يوم ما همسك طيف عبيره
مصرختيش خوف من مصيره
كان فرحان ولا حزين ؟

كان بيقولك ماتخفيش
ولا كان بيقول حاعيش
ولما كان يغيب ما يجيش
كنت تخافي من الفريسين

كنت خايفة من الحراس
ولا عارفه إنه الخلاص
وأما قالوا اليوم خلاص
قلت لأ ولا أمين

وأم آن بيك الأوان
واللي خفتِ منه كان
وظنوا في موته الأمان
ماصرختيش هو ابن مين

كنت عارفه أيه حايصيبه
ولا سبتيه يقابل نصيبه
وأما عدا شايل صليبه
كلّمك ولا خاف م الجلادين

وأما نصبوله الصليب
والمسمار كان نار لهيب
والحربة والجلد الرهيب
والشوك المغروس عالجبين


كان في راسه ولا قلبك
وقد دمه، سال دمع حبك
ده ابنك الميت وربك
يعني له ومنه الحنين

ده حتى اللي أداهم الأمان
العرج ،الخرس ، والعميان
الكل كان خوّاف جبان
الكل مسكوله سكاكين

ده نكره صخرة الجبال
والتاني راح باعه بالمال
مبقاش غير يوحنا ع الشمال
وأنت واقفة ع اليمين

أمه كانت ولا بنته ؟
كان بيطعها وهي أمته ؟
كان بيأمر ولا يطلب ؟
ولا بنظرة تفهم طبيعته ؟

يا أمه وأمنا
حيّرتي عقلنا
كان ربك والضنى
طب كنتِ تصلي لمين ؟

كنتِ بتصلي له ؟
ولا بتصلي له ؟؟
وعنه تحكي له !
كان حمل ولا معين !!

كان بيبكي من الخيانة ؟
ولا من شدة أسانا
ولا من فرحة فدانا
ولابيبكي م الآلامات

ولا عشان الكل قسيوا
بعد ما تابوا رجعوا نسيوا
وبعد ما ع الشط رسيوا
غرقوا تاني في اللي فات

ولما فات م اليوم نهاره
وخلّص اللص اللي جاره
وداق من الخل ومراره
كان خلاص بطّل أهات

كان صموده للنهاية
أحلى من اعجاز وآية
وكان كفاية إن الحكاية
إنه ضحّى خلاص ومات

مات فوقيكِ وأنتِ واقفة
مات حاميكِ وبقيتِ خايفة
طب كنتِ مغمضة ولا شايفة
موت حبيب الذكريات

طب دموع عينك ماتكفي
ولا صبرك عمره هايشفي
وحياتك كلّها أبدا ماتوفي
دين العجايب والمعجزات

بس جنب دموع المودة
شفت في عيونك ياعدرا
شوكة طالع منها وردة
يعني الأمل جنب الضيقات

شوكة الآه والأنين
شوكة خوف غدر السنين
و وردة .. يعني حب وحنين
إنه قايم من الأموات

كنتِ عارفة إنه قايم
كنتِ حسباه بس نايم
وإن بعد قيامته دايم
بس راح في القبر بات

دي حكاية الأم الحنونة
اللي ليها في قلوبنا قونة
خلّفت رب المعونة
بس فضلت.{ست البنات}

أمه كانت ولا بنته ؟
كان بيطعها وهي أمته ؟
كان بيأمر ولا يطلب ؟
ولا بنظرة تفهم طبيعته ؟

يا أمه وأمنا
حيّرتي عقلنا
كان ربك والضنى
طب كنتِ تصلي لمين ؟

كنتِ بتصلي له ؟
ولا بتصلي له ؟؟
وعنه تحكي له !
كان حمل ولا معين !!
الرجوع الى أعلى الصفحة اذهب الى الأسفل
MESSI

MESSI


عدد الرسائل : 47
العمر : 31
اسم شفيعك ايه؟ : البابا كيرلس
نقاط : 0
تاريخ التسجيل : 01/12/2008

قصيدة (ست البنات) لبشرى عجبان Empty
مُساهمةموضوع: رد: قصيدة (ست البنات) لبشرى عجبان   قصيدة (ست البنات) لبشرى عجبان I_icon_minitimeالأربعاء ديسمبر 17, 2008 9:16 pm

جامده اوي ي ي ي ي ي ي ي ي ي ي
الرجوع الى أعلى الصفحة اذهب الى الأسفل
Diana
مدير عام
Diana


عدد الرسائل : 1000
العمر : 33
اسم شفيعك ايه؟ : الملاك ميخائيل والبابا كيرلس
نقاط : 662
تاريخ التسجيل : 27/12/2008

قصيدة (ست البنات) لبشرى عجبان Empty
مُساهمةموضوع: رد: قصيدة (ست البنات) لبشرى عجبان   قصيدة (ست البنات) لبشرى عجبان I_icon_minitimeالأحد ديسمبر 28, 2008 6:11 pm

روووووووووووووووووووووووووووووووووووعة
بجد مؤثرة جدااااااااااااااااااا
الرجوع الى أعلى الصفحة اذهب الى الأسفل
 
قصيدة (ست البنات) لبشرى عجبان
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة (أنا مين) لبشرى عجبان
» قصيدة (الواااااااااااااااااااااااااو) لبشرى عجبان
» قصيدة (مش هتموت) لبشرى عجبان
» قصيدة (يســــــــــــــــــــــــــــــــــــــــوع)
» قصيدة ضعيف أنا

صلاحيات هذا المنتدى:لاتستطيع الرد على المواضيع في هذا المنتدى
منتديات الأمير والنسر :: القسم الثقافي والفني والعلمي :: اشعار وخواطر-
انتقل الى: