مرة واحد اسمه نادر اتجوز واحدة اسمها نادرة خلفوا عيال مهددين بالانقراض
مرة واحد اشترى ساتليت من ورا اهله وركبه فوق السطوح عنده فى البيت وقال لاهله "ماحدش يطلع فوق عشان انا جبت كلب متوحش حطه فوق" لكن طلع واحد من قرايبه فوق نزل خايف هيموت من الخوف فسالوه "شفت الكلب" قالهم "لا شفت الطبق اللى بياكل فيه"
واحد قتل حماته الظابط ساله "اسمك ايه" قاله "فاعل خير"
مرة واحد مسطول فتح التلاجة لقى الجيلى بيترعش قاله ماتخافش "هاخد الزبادى"
مرة واحد بيصطاد الطعم بتاعه خلص حط فى السنارة ورقة مكتوب عليها "طعم" ونزلها فى البحر طلعها لقى فيها ورقة مكتوب عليها "سمكة"
مرة واحد ندل راح القرافة وقعد يغنى "الحياة حلوة"
مرة واحد كان عنده عربية كل اما يقول "الحمد لله" العربية تمشى وكل اما يقول "ربنا يستر" تقف وفى مرة واحد صاحبه خدها منه يعمل بيها مشوار وكان ماشى بيها على كبرى تحته ميه وكانت العربية خلاص هتقع فى الميه فقال "ربنا يسسسسستر" فالعربية وقفت فراح قال "الحمـــــــــد لله" راحت وقعت
مرة ظابط شرطة راكب عربية البوليس وماشى بيها فى الشارع شاف واحد مسطول فقاله "اركب" رد عليه "لا شكرااا البيت قريب"
مرة كان فيه تلاتة واحد يابانى وواحد امريكى وواحد بلديتنا حطوهم على الجهاز اللى بيكشف الكذب اليابانى: احنا بنفكر نعمل جهاز الى ونستغنى عن الانسان...الجهاز راح للصفر الامريكى: احنا بنفكر نروح المريخ ونعيش هناك...الجهاز راح للصفر بلديتنا: احنا بنفكر "وماكملش"...الجهاز راح للصفر
قمة الهدوء انك تسمع شريط فاضى وقمة الرخامة انك تقلب الشريط على الوجه التانى وقمة الغباء انك تعيد حتة فى الشريط عشان تسمعها تانى
موضوع: شوية قرقشة اقصد ............ ادخل و انت تعرف 
الأحد مارس 08, 2009 10:27 pm
" قالهم "لا شفت الطبق اللى بياكل فيه"
