FARID SHAWKI مشرف قسم
عدد الرسائل : 867 العمر : 31 اسم شفيعك ايه؟ : البابا كيرلس ومارجرجس نقاط : 653 تاريخ التسجيل : 27/12/2008
| موضوع: خمسه رخامه الإثنين مارس 09, 2009 12:25 pm | |
| خمسه رخامه ___________ -صخرة وقعت من فوق العمارة لوح الازاز اللى تحتها متكسرش لية ؟ عاشان ماوقعتش عليه
- طب فرخة بتعدى الشارع ماتت فجأة لية ؟ الصخرة وقعت عليها
-لية ملخفن بيحط جنبه كباية شاى وهو نايم ؟ علشان الشاى منبه
-طب لية بيحط جنب كباية الشاى فنجان قهوة ؟ علشان لو الشاى مرنش
-طب لية بيحط جنبه كباية مية فاضية و كباية مليانة ؟ علشان ممكن يشرب و ممكن ميشربش
- و ليه بيحط ملح على راسه ؟ علشان يبقى حدق
- و ليه بيحط سكر على الكرسى قبل ما يقعد ؟ علشان تبقى قعدته حلوة
- حاجة طايرة فى السما و بتقول نياو اية هى ؟ قطة بيضاء مضروبة بالشلوت - طب حاجة سودة طايرة فى السما و بتقول نياو اية هى ؟ غراب بيستهبل
- طب حاجة بنى طايرة فى السما و مبتقولش اى حاجة اية هى ؟ فردة الجزمة بتاعة الراجل اللى ضرب القطة البيضاء
- طب حاجة سودة طايرة فى السما و مبتقولش حاجة اية هى ؟ غراب عاقل و مبيحبش الاستهبال
- حاجة زرقاء طايرة فى السما اية هى ؟ ذبابة لابسة بنطلون جينز أزرق
- طب حاجة سودة و فيها خط أحمر و طايرة فى السما من الشرق للغرب اية هى ؟ ذبابة لابسة فستان سواريه و حاطة روج و رايحة فرح واحدة صاحبتها
- طب حاجة سودة و فيها خط أحمر و طايرة فى السما من الغرب للشرق اية هى ؟ نفس الذبابة نسيت حاجة فى البيت فرجعت تجيبها
- حاجة سودة ماشية فى الصحراء اية هى ؟ سرب نمل رايح يعزى
- نقطة سودة على الحيطة اية هى ؟ ذبابة - طب 3 نقط سود على الحيطة تبقى اية ؟ ذبابة و فيشة
- حاجة رفيعة و طويلة و لونها أبيض اية هى ؟ فتلة بيضاء - طب حاجة رفيعة و طويلة و لونها اسود تبقى اية ؟ خيال الفتلة البيضاء
- ايه هو الحيوان الاخضر الصغير اللى بياكل الزلط ؟ هو ابن الحيوان الأخضر الكبير اللى بياكل الزلط
- ايه هو عكس كونكريت ؟ لا تكن كريت
- ايه هو عكس تلميذات ؟ Don't tell me that
- ليه الثعلب تخين ؟ علشان الثعلب fat fat
- حاجة ماشية على الارض و بتعمل زززززززز _ ايه هى ؟ صرصار راكب موتوسيكل - طب ناس دخلوا شقة فعرفوا ان فيها صراصير _ عرفوا ازاى ؟ لقوا الموتوسيكلات راكنة جنب البلاعة
- طب تعرف تقوللى 5 فروق بين الوزة و البطة ؟ 1- تقدر تحلق شعرك زلبطة لكن ماتقدرش تحلق زلوزة 2 – فيه رحالة اسمه ابن بطوطة لكن مافيش رحالة اسمه ابن وزوزة 3 – تقدر تبلبط فى البحر لكن ماتقدرش تبلوز فيه 4 – كلنا بنتغطى فى الشتاء ببطانية لكن مبنتغطاش بوزانية 5 – الوزة كانت زمان بطة لكن الشيطان وزها
- طب تعرف تقوللى 5 فروق بين الفيل و النملة ؟ 1 – رجل الفيل ممكن تنمل لكن الرجل النملة مش ممكن تفيل 2 – البيت ممكن يبقى فيه نملية لكن مش ممكن يبقى فيه فيلية 3 – تقدر تاكل سمك فيليه لكن مش ممكن تاكل سمك نمليه 4 – كل واحد له بروفيل لكن مالوش برونملة 5 – you can feel but you cannot namla
- ايه الفرق بين الفيل و البرغوت ؟ الفيل ممكن يتملى براغيت لكن البرغوت مش ممكن يتملى فيلة
- ايه عكس زمان ؟ The woman
- ايه عكس نجوم ؟ نجعد
- و ليه الكتكوت مابيعرفش يكذب على الفرخة ؟ علشان هى اللى فاقساه
- ليه القطر بيقف على المحطة ؟ علشان مابيعرفش يقعد
- طب و ليه بيمشى بعد كدة ؟ علشان زهق من الوقفة
-لية الصعيدى بيحط خيارة تحت المخدة؟ عشان لو حط طمتماية هتتفعص - واحد ماشي في الشارع و لابس كوتشي ابيض ليه ؟؟ عشان ماشي مع الطقم
- فرخه معلقه سلسله فيها صوره بيضه ليه ؟؟ صورتها وهي صغيرة
- فرخه معلقه صورة بيضه اومليت؟ صورة اختها اللى ماتت
- واحد بلديتنا واقف قدام المرايا و مغمض عنيه ليه بيشوف شكله و هو نايم
- واحد صينى طلع على القمر اللى حيحصل للصينين حينقصوا واحد
-واحد امريكى سافر القمر حيعمل ايه؟ حيقابل الصيني الي هناك
- اول مخلوق ظهر عالارض هو الحمار الوحشي ليه عشان لونه ابيض واسود
- ازاي نركب 4 افيال في عربية فولكس؟ نقعد اتنين قدام واتنين ورا
-طيب مين هايسوق؟ اللى بيعرف يسوق - طب مين اللي هايقعد جنب الي بيسوق؟ الي عارف الطريق
-10 صعايدة فى غواصة غرقوا ليه؟ عشان سمكه خبطت عليهم فتحوا لها
-ليه الفراعنة بنوا 3 اهرامات بس ؟ علشان الشلن يقضى
-ايه هوا الحيوان اللى مشغول علطول ؟ الخرتيت تيت تيت تيت تيت
-ليه الصعيدى الصغير اذكى من الصعيدى الكبير؟ علشان مبقلوش كتير صعيدى
عدل سابقا من قبل FARID SHAWKI في الثلاثاء مارس 10, 2009 2:44 pm عدل 1 مرات | |
|
christian boy مدير عام
عدد الرسائل : 349 العمر : 33 نقاط : 138 تاريخ التسجيل : 30/10/2008
| موضوع: رد: خمسه رخامه الثلاثاء مارس 10, 2009 1:38 pm | |
| ربنا يسامحك يا فريد ايه كل ده
| |
|
FARID SHAWKI مشرف قسم
عدد الرسائل : 867 العمر : 31 اسم شفيعك ايه؟ : البابا كيرلس ومارجرجس نقاط : 653 تاريخ التسجيل : 27/12/2008
| موضوع: رد: خمسه رخامه الثلاثاء مارس 10, 2009 2:46 pm | |
| ههههههههههههههههههههههه عجبوك لو عايز تاني قولي
| |
|